News

Sep
17

(Cash Providing Ceremony of Paukphaw Scholarship Project) ပညာသင်ဆု ချီးမြှင့်ပွဲ အခမ်းအနား

တရုတ်နိုင်ငံဆင်းရဲနွမ်းပါးမှုလျှော့ချရေးဖောင်ဒေးရှင်း (Chian Foundation For Poverty Alleviation) ပေါက်ဖော်ပညာသင်ဆုထောက်ပံ့ရေးစီမံချက် (Paukphaw Scholarship Project) ပညာသင်ဆု ချီးမြှင့်ပွဲ အခမ်းအနားကို (၁၇-၉-၂၀၁၉) ရက်နေ့တွင် မအူပင်တက္ကသိုလ် အစည်းအဝေးခန်းမ၌ ကျင်းပပြုလုပ်ခဲ့ရာ အခမ်းအနားတွင် ပါမောက္ခချုပ် ဆရာကြီး ဒေါက်တာအောင်ကျော်မှ အဖွင့်အမှာစကား ပြောကြားပြီး Paukphaw Scholarship Program Manager ဦးစီုးမိုးအောင်မှ ပညာသင်ဆုနှင့် ပတ်သက်သည်များကို ရှင်းလင်းပြောကြား ခဲ့ပါသည်။ ၄င်းနောက် မအူပင်တက္ကသိုလ် ဘာသာရပ် ပေါင်းစုံမှ ကျောင်းသားကျောင်းသူ (၅၀) ဦးအား ပညာသင်ဆု များ ပေးအပ် ချီးမြှင့်ပြီး အမှတ်တရ မှတ်တမ်းတင် ဓာတ်ပုံများ ရိုက်ကူးခဲ့ကြပါသည်။

By MUB Admin | Gallery
DETAIL
Sep
02

(၉၉) နှစ်မြောက် အမျိုးသားအောင်ပွဲနေ့ အကြိုဟောပြောပွဲ နှင့် ကဗျာ/စာစီစာကုံးပြိုင်ပွဲ

(၉၉) နှစ်မြောက် အမျိုးသားအောင်ပွဲနေ့အကြိုဟောပြောပွဲကို (၂၈-၈-၂၀၁၉)ရက်နေ့ နေ့လယ် (၂ : ၀၀)နာရီတွင် မအူပင်တက္ကသိုလ် အစည်းအဝေးခန်းမ၌ ကျင်းပပြုလုပ်ခဲ့ရာ ပါမောက္ခချုပ် ဆရာကြီးနှင့် ဒုတိယပါမောက္ခချုပ်၊ ပါမောက္ခ(ဌာနမှူး)များနှင့် ကျောင်းသား၊ကျောင်းသူများ တက်ရောက်ခဲ့ကြပါသည်။ အခမ်းအနားတွင် ပါမောက္ခချုပ်ဆရာကြီး ဒေါက်တာအောင်ကျော်က အဖွင့်အမှာစကား ပြောကြားပြီး မအူပင်တက္ကသိုလ် သမိုင်းဌာန ပါမောက္ခ(ဌာနမှူး) ဒေါက်တာတင်တင်လှက (၉၉)နှစ်မြောက် အမျိုးသားအောင်ပွဲနေ့အကြို ဟောပြောပွဲနှင့် ပတ်သက်သည့် အကြောင်းအရာများကို ဟောပြောခဲ့ပါသည်။ ဟောပြောပွဲမစခင် အမျိုးသားအောင်ပွဲနေ့အကြို ကဗျာနှင့် စာစီစာကုံးပြိုင်ပွဲကို (၂၈-၈-၂၀၁၉) ရက်နေ့ (၁၀:၀၀) နာရီမှ (၁၁ : ၀၀) နာရီထိ Theatre ၌ ကျင်းပခဲ့ရာ “အမျိုးသားနေ့နှင့်ပြည့်အားမာန်” ခေါင်းစဉ်ဖြင့် မြန်မာစာ ကျောင်းသူ(၄)ဦး၊ ဓာတုဗေဒကျောင်းသူ(၁)ဦး၊ ရူပဗေဒကျောင်းသူ(၁)ဦး၊ သင်္ချာကျောင်းသူ (၁)ဦး […]

By MUB Admin | Uncategorized
DETAIL
Aug
22

မိုးရာသီသစ်ပင်စိုက်ပျိုးပွဲတော်

မအူပင်တက္ကသိုလ် မိုးရာသီသစ်ပင်စိုက်ပျိုးပွဲတော်ကို (၂၁-၈-၂၀၁၉)ရက်နေ့တွင်ကျင်းပခဲ့ရာ ပါမောက္ခချုပ်ဆရာကြီးဒေါက်တာအောင်ကျော်က အဖွင့်အမှာစကားပြောကြားခဲ့ပါသည်။ အဖွင့်အမှာစကားတွင် သစ်ပင်ဘာကြောင့် စိုက်ဖို့လိုသည်ကို သိဖို့လိုကြောင်း၊ သစ်တောတွေ မရှိတော့ခြင်းဟာ မြန်မာနိုင်ငံမှာ လတ်တလောဖြစ်ပေါ်နေတဲ့ ရေကြီးခြင်း၊ မြေပြိုခြင်းနှင့် ရာသီဥတု ပြောင်းလဲခြင်းစတဲ့ သဘာဝဘေးအန္တရာယ်တွေကို ဖြစ်ပေါ်စေတဲ့ အဓိကအကြောင်းရင်းတွေထဲက တစ်ခုဆိုတာ အငြင်းပွားဖွယ်ရာမရှိကြောင်း၊ ဒီနေ့သစ်ပင်စိုက်ပျိုးခြင်း အခမ်းအနားမှာ ဒီလို ပြောင်းလဲ လာနေတဲ့ သဘာဝပတ်ဝန်းကျင်နှင့် ပြောင်းလဲစေတဲ့အကြောင်းရင်းတွေကို သတိပြုမိစေလိုကြောင်း၊ တစ်ဆက်တည်းမှာ သဘာဝပတ်ဝန်းကျင်ကို ထိခိုက်နိုင်တဲ့ အပြုအမှုတွေကိုရှောင်ရှားနိုင်ဖို့နှင့် သဘာဝပတ်ဝန်းကျင်ကို ပြန်လည်ထိမ်းသိမ်းဖို့လိုအပ်တယ်ဆို့တဲ့ အသိပညာကိုလည်း ရရှိသွားဖို့ လိုအပ်ကြောင်း၊ သစ်ပင်စိုက်ပျိုးတဲ့ နေရာမှာသတိထားသင့်တဲ့ အချက်(၂)ချက်ရှိကြောင်း၊ ပထမအချက်က- သစ်ပင်စိုက်ရတာက လွယ်ကူကြောင်း၊ လူအတော်များများကလည်း သစ်ပင်စိုက်ပြီးတာနှင့် မိမိတာဝန် ကြေပြီဟုယူဆနေကြောင်း၊ ပိုပြီးအရေးကြီးတာက စိုက်ထားတဲ့အပင်ကို ရှင်သန်ကြီးထွားအောင် ဆက်လက် ထိမ်းသိမ်းစောင့်ရှောက်ဖို့လိုအပ်ကြောင်း၊ ဒုတိယအချက်က-သစ်ပင်ကို […]

By MUB Admin | Gallery
DETAIL
Aug
22

Higher Education Quality Assurance Standard and Criteria အတွေ့အကြုံရှင်းလင်းပွဲ

မအူပင်တက္ကသိုလ်၏ Higher Education Quality Assurance Standard and Criteria အတွေ့အကြုံရှင်းလင်းပွဲကို ၂၀-၈-၂၀၁၉ ရက်နေ့တွင် အစည်းအဝေးခန်းမ၌ ကျင်းပပြုလုပ်ခဲ့ရာ ပါမောက္ခချုပ် နှင့်တစ်ကွ ဒုတိယပါမောက္ခချုပ်များ၊ သင်ကြားရေးဌာနမှ ပါမောက္ခ(ဌာနမှူး)များနှင့် စီမံအရာရှိများ တက်ရောက်ခဲ့ကြပါသည်။ အခမ်းအနားတွင် ပါမောက္ခချုပ်ဆရာကြီးဒေါက်တာအောင်ကျော်မှ အဖွင့်အမှာစကားပြောကြားကာ ပထဝီဝင်ဌာနမှ ပါမောက္ခ (ဌာနမှူး) ဒေါက်တာစိုးဝင်းမှ Higher Education Quality Assurance Standard and Criteria နှင့်ပတ်သက်သည့် အတွေ့အကြုံများကိုရှင်းလင်းပြောကြားပါသည်။ ဆက်လက်၍ IQA နှင့်ပတ်သက်၍ အဖွဲ့များဖွဲ့ ဆောင်ရွက်သွားရန်၊ လုပ်ငန်းတာဝန်များကိုလည်း ခွဲဝေချထားရန်နှင့် IQA ပတ်သက်သည့် Criteria ၁၅ခုကိုလည်းအဖွဲ့များနှင့်ဖွဲ့၍ ဆောင်ရွက်သွားရန် ဝိုင်းဝန်း ဆွေးနွေးကြပါသည်။

By MUB Admin | Gallery
DETAIL
Aug
19

၂၀၁၈-၂၀၁၉ ပညာသင်နှစ် ကျန်းမာရေး အသိပညာပေးဟောပြောပွဲ

ကျန်းမာရေးအသိပညာပေးဟောပြောပွဲကို (၁၉-၈-၂၀၁၉) ရက်နေ့တွင် မအူပင်တက္ကသိုလ် ပင်မဆောင် ခန်းမ၌ကျင်းပပြုလုပ်ခဲ့ရာ ပါမောက္ခချုပ်ဆရာကြီး ဒေါက်တာအောင်ကျော်မှ အဖွင့်အမှာစကားပြောကြားပြီး မအူပင်မြို့နယ် ခရိုင်ပြည်သူ့ကျန်းမာရေးဦးစီးဌာနမှ ဒေါက်တာသုခချမ်းက ရာသီတုတ်ကွေးနှင့် မူးယစ်ဆေးအန္တရာယ် သိကောင်းစရာများကိုလည်းကောင်း၊ မြို့နယ်ပြည်သူ့ကျန်းမာရေးဦးစီးအရာရှိ ဒေါက်တာဇော်ဝင်းလှိုင်က HIV နှင့် HBV အကြောင်းသိကောင်းစရာများကိုလည်းကောင်း၊ မြို့နယ် ပြည်သူ့ကျန်းမာရေးဦးစီးအရာရှိ ဒေါက်တာကျော်ထွဋ်ဝင်းက Oral and Hand Hygene အကြောင်းသိကောင်းစရာများကိုလည်းကောင်း၊ စားသုံးသူကာကွယ်ရေးဦးစီးဌာနမှ ခရိုင်ဦးစီးမှူး ဦးဇော်မင်းက စာသုံးသူကာကွယ်ရေးအကြောင်းသိကောင်းစရာများကိုလည်းကောင်း အသီးသီးပညာပေးဟောပြောခဲ့ရာ ပါမောက္ခချုပ်ဆရာကြီးနှင့်တစ်ကွ ဒုတိယပါမောက္ခချုပ်များ၊ ပါမောက္ခ(ဌာနမှူး)များ၊ ဆရာဆရာမများ၊ ရုံးဝန်ထမ်းများနှင့် ကျောင်းသားကျောင်းသူအများအပြားတက်ရောက်ခဲ့ကြပါသည်။ ဟောပြောပွဲအပြီးတွင် ဆရာဆရာမများ၊ ရုံးဝန်ထမ်းများနှင့် ကျောင်းသားကျောင်းသူများအား ကျန်းမာရေးစစ်ဆေးမှုများ ပြုလုပ်ပေးခဲ့ကြပါသည်။

By MUB Admin | Uncategorized
DETAIL